Bisita gidatuak

Bisita gidatuak eskaintzen ditugu gure Bermeoko ekoizpen-plantan. Bisitariek hegaluze kontserbak eskuz zelan egiten ditugun bertatik bertara ikusi ahalko dute.

Bisita gidatuen helburua arrain-kontserben lantegi bateko eguneroko lan-dinamika ezagutzea da, eta aldi berean, arrain-espezie desberdiank ezagutu eta kontserbak lantzeko moduak ezagutzea. Bisita gidatuak enpresako langile esperientziadunek zuzentzen dituzte, eta beraz, bertaratzen direnek ekoizpen-prozesu osoaren azalpen kualifikatua jasoko dute.

Kontserba-fabrikan bisita gidatua egin ondoren, bertaratzen diren guztiei produktu hauen dastaketa bat eskainiko zaie:

– Hegaluze pintxoak

– Hegaluze-mendrezka pintxoak

– Kantauriko antxoa-xerrak oliba-oliotan

– Sagardoa, ardo zuria, ura eta ogia barne.

Gainera, gure produktuen sorta osoa erosteko aukera izango dute bisitariek.

Bisita gidatuen zehaztapenak:

– Gutxienez 20ko eta gehienez 50 pertsonako taldeak onartuko dira.

– Beharrezkoa da bisita baino gutxienez 48 ordu lehenago erreserbatzea.

– Bisita gidatuak euskaraz, gaztelaniaz, ingelesez, italieraz edo alemanez eskaintzen dira.

– Bisita gidatuak astelehenetik ostiralera izango dira, 8:30etik 14:00etara (azken bisita 13:00etan hasiko da, beranduenez).

– Bisitaren eta dastaketaren prezioa 8 eurokoa da (BEZa barne).

Bisita gidatuaren zehaztapenei buruzko zalantzarik edo kontsultarik izanez gero, idatzi e-mail bat info@arroyabe.es helbidera edo deitu (+34) 946 186 667 telefonora.