Eskuratu 50 euroko bonoak turismo-ostatuetan deskontatzeko On Egin bonoarekin

/0 Comments/in , /by

Eusko Labeldun Arroyabe hegaluzea-kontserbetan egindako erosketak saria dakar orain. Hazi eta Eusko Jaurlaritzak sustatutako On Egin bonoak 50 euroko deskontua eskaintzen dizu ostatu turistikoetan, 100 eurotik gorako erosketa eginez gero kalitatezko produktuetan. Erosle bakoitzak 2 bono lortu ahalko ditu gehienez (200 eurotik gorako erosketagatik, 50 euroko bi bono eskuratuz) eta 2022ko abendurate trukatu ahalko ditu programara atxikitutako turismo-ostatuetan.

Aukera paregabea duzu eskura oraindik ezagutu ez dituzun Araba, Bizkaia eta Gipuzkoako txokoak bisitatzeko, gure kostaldeko gastronomian ezinbestekoak diren kontserbez gozatzen duzun bitartean. Ez galdu denborarik eta egizu erosketa lehenbailen, bonoak mugatuak dira eta!

on egin bonoa kontserbak

Bonoa eskatu ahal izateko, produktu hauek eskuratu beharko dira:

  • Hegaluzea

    Arroyabe hegaluze-kontserbak Eusko Label hegaluzearekin eginak daude.

  • Jatorri izendapena duten ardoak

    Hegaluzea eta Arabar Errioxako jatorri izendependun ardoekin osatutako produktu-sortak.

On Egin bonoa eskuratu nahi dut

On Egin bonoa eskatu ahal izango da 2021eko apirilaren 19tik aurrera egindako erosketetan. Gure web orrian aurretiaz egin dezakezu erosketa apirilaren 16an hasita (ostirala), eskaera horiek 19tik aurrera serbituko baitira.

Erosketa amaitzean, ordainketa egin aurretik, eskatzen diren datu guztiak bete beharko dira, eta Oharra utzi atalean ON EGIN BONOA eskatu gura duzula adierazi beharko da. Nahi hori idatziz adierazi duten pertsonei faktura sinplifikatua bidaliko zaie emailera, guztiz beharrezkoa baita bonoaren eskaera tramiteak egiteko On Egin web orri ofizialean.

Nortasun agiri bakoitzeko 2 bono eskatu ahalko dira asko jota (200 euroko gutxieneko erosketa). Bono gehiago eskuratu nahi izanez gero beste erosketa bat egin beharko da beste pertsona baten datu fiskalak erabiliz. Pertsona juridikoek ezingo dute On Egin bonorik eskatu.

Nire bonoak non trukatu

Bonoak 2022ko abendurarte erabili daitezke Araba, Bizkaia y Gipuzkoako ostatu jakin batzuetan. Programara atxikitako turismo-ostatuak zeintzuk diren ikusi ahalko duzu zerrenda honetan sartuta.

Bono bakoitza ostatu-gau batean erabili ahal izango da, eta ezingo dira bi bonu edo gehiago gehitu ostatu edo gau bakar bat ordaintzeko.

Informazio gehiago: https://oneginbonoa.eus/
ON EGIN programaren oinarri arautzaileak: https://oneginbonoa.eus/wp-content/uploads/2021/03/bases_onegin_eus.pdf

MSC ekoetiketadun antxoa eskuragarri gaurtik aurrera

/0 Comments/in , /by

Arroyabek arrantza jasangarriaren MSC ziurtagiria lortu du Kantauriko antxoa produktuetarako. Honenbestez, aurrera urrats bat eman dugu MSC zigilupean daukagun eskaintzan, 2012tik hegaluzearen MSC zaintza-katean ziurtatuta baikaude.

Era honetara, Kantauriko antxoa produktu guztiek MSC ekoetiketa urdina izateko aukera eskaintzen dugu; horrek ziurtatzen duelarik bokarta ziurtatutako arrantza-eremu jasangarrietatik datorrela. Kantauriko arrantza-flotak MSC arrantza-tokien estandarra betetzen du dagoeneko eta Arroyabek jatorri horretako bokarta bakarrik erabiltzen du bere ekoizpenetan

MSC zaintza-katerako estandarrak MSC arrantza-tokietatik datorren arrainaren trazabilitatea eta zaintza bermatzen du fabrikazio- eta banaketa-kate osoan. Ziurtatutako arrantza-tokitik azken kontsumitzailearenganainoko katea osatzen duten enpresa guztiek lortu behar dute ziurtagiri hori.

Ezagutu gure kantauriko antxoa-sorta

MSC antxoak arrantza jasangarria

Eskamak Kentzen ETBko telesaileko kontserbak ekoitzi ditu Arroyabek

/1 Comment/in , /by

Eskamak Kentzen conservasEskamak Kentzen ETB1eko telesail berriak badu bere kontserba marka. Eroski eta Eitb-rekin elkarlanean, 2.000 poteko edizio mugatua ekoitzi du Arroyabe kontserberak Bermeon daukan lantegian. Eskamak Kentzen markako hegaluzea Eitb-k telesaila ezagutzera emateko antolatu dituen ekitaldietan banatuko da. Horretaz gain, Eroskiren hipermerkatuetan egongo da salgai, baita Lekeitio, Deba eta Hondarribiko supermerkatuetan ere.

Eskamak Kentzen telesail berria

Otsailaren 23an gaueko 10etan estreinatuko den telesail hau kontserba-lantegi edo eskabetxera batean girotuta dago. Emakume langile talde bat du ardatz istorioak eta hondoa jo duen kontserbera bat aurrera ateratzeko eginahalak erakutsiko ditu. Bertan aktore ezagunek hartu dute parte: Barbara Goenaga, Elena Irureta, Karmele Larrinaga, Itziar Aizpuru eta Loli Astoreka aktoreek besteak beste. Astearteetako emanaldiaz gain, igandeetan errepikapena emango du Euskal Telebistak Herri txiki Infernu Handi saioaren aurretik (21.30).

Eskamak Kentzen markako kontserbak goi-mailako osagaiez daude ekoitzita: kantauriko hegaluzea eta oliba olioa. Hegaluzea eskuz ebaki eta poteetan sartzen da, betidanik kostaldeko herrietan egin izan den bezala, hegaluzearen zaporea eta intentsitatea mantenduz. Ekoizpena hobeto ezagut daiteke ondorengo bideoan.