Santana Berrian ontziratu gara bokartaren arrantza ezagutzeko

Apirilero bezala, Kantauriko antxoa (Engraulis Encrasicolus) gure kostaldera hurbiltzen da, ugalketa-zikloa osatzeko asmoz. Orduan hasten da antxoaren kostera bezala ezagutzen dena, udaberri osoan zehar luzatzen dena.

Antxoa inguraketa-sarren bidez arrantzatzen da, gainazalean dagoen arrain-kardumena inguratu eta 360 graduko zirkulua osatuz. Behin inguratuta, sarea azpitik ixten da, antxoak ihes egitea eragotziz. Itsas ingurunea eta beste espezie batzuk errespetatzen dituen arrantza-modua da, selektibitate-maila handia duelako.

Aurtengo harrapaketak hasi diren honetan, Getariako Santana Berrian ontziratu gara, Kantauriko antxoaren arrantza gertutik ezagutzeko. Espero dugu egunak utzi dizkigun une zoragarri hauetaz geuk bezainbeste gozatzea.